ਪਿੰਡ ਬੀਹਲਾ ਦਾ ਤਿੰਨ ਰੋਜ਼ਾ ਪੇਂਡੂ ਖੇਡ ਮੇਲਾ ਧੂਮ ਧੜੱਕੇ ਨਾਲ ਸਮਾਪਤ

ਬੀਹਲਾ ਵਿਖੇ ਪੇਂਡੂ ਖੇਡ ਮੇਲੇ ਦੌਰਾਨ ਨਾਮਵਰ ਖਿਡਾਰੀ ਜੱਗਾ ਬੀਹਲਾ ਨੂੰ ਬੁਲਟ ਮੋਟਰ ਸਾਇਕਲ ਨਾਲ ਸਨਮਾਨਿਤ ਕਰਦੇ ਹੋਏ ਨਿੱਕਾ ਡੰਡਵਾਲ ਯੂ. ਐਸ. ਏ. ਅਤੇ ਪ੍ਰਬੰਧਕ।(ਖੱਬੇ) ਕਬੱਡੀ ਦਾ ਦ੍ਰਿਸ਼।

ਮਹਿਲ ਕਲਾਂ, 31 ਜਨਵਰੀ (ਅਣਖੀ)- ਹਲਕਾ ਮਹਿਲ ਕਲਾਂ ਦੇ ਪਿੰਡ ਬੀਹਲਾ ਵਿਖੇ ਬਾਬਾ ਬੁੱਢਾ ਜੀ ਟੂਰਨਾਂਮੈਟ ਕਮੇਟੀ, ਯੁਵਕ ਸੇਵਾਵਾਂ ਕਲੱਬ ਬੀਹਲਾ ਵੱਲੋਂ ਗ੍ਰਾਮ ਪੰਚਾਇਤ, ਐੱਨ. ਆਰ. ਆਈਜ਼ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਭਰਵੇਂ ਸਹਿਯੋਗ ਨਾਲ ਤਿੰਨ ਰੋਜ਼ਾ ਪੇਂਡੂ ਖੇਡ ਮੇਲਾ ਧੂਮ ਧੜੱਕੇ ਨਾਲ ਸਮਾਪਤ ਹੋਇਆ। ਇਸ ਉਦਘਾਟਨ ਬਾਬਾ ਸੁਖਦੇਵ ਸਿੰਘ ਮਸਤਾਨ, ਸ. ਸਮਸ਼ੇਰ ਸਿੰਘ ਬੀਹਲਾ, ਸਰਪੰਚ ਕਿਰਨਜੀਤ ਸਿੰਘ ਮਿੰਟੂ ਅਤੇ ਕਲੱਬ ਪ੍ਰਧਾਨ ਜੀਵਿੰਦਰ ਸਿੰਘ ਕਾਕਾ ਨੇ ਸਾਂਝੇ ਤੌਰ ਤੇ ਕੀਤਾ ਜਦਕਿ ਮੁੱਖ ਮਹਿਮਾਨ ਵਜੋਂ ਸਾਬਕਾ ਕੈਬਨਿਟ ਮੰਤਰੀ ਸ. ਗੋਬਿੰਦ ਸਿੰਘ ਕਾਂਝਲਾ ਪ੍ਰਮੁੱਖ ਹਲਕਾ ਇੰਚਾਰਜ਼ ਮਹਿਲ ਕਲਾਂ, ਚੇਅਰਮੈਨ ਜ਼ਿਲ੍ਹਾ ਯੋਜਨਾ ਬੋਰਡ ਸੰਤ ਬਲਵੀਰ ਸਿੰਘ ਘੁੰਨਸ, ਕਾਂਗਰਸ ਦੀ ਵਿਧਾਇਕਾ ਬੀਬੀ ਹਰਚੰਦ ਕੌਰ ਘਨੌਰੀ, ਸਾਬਕਾ ਸੈਨਿਕ ਵਿੰਗ ਦੇ ਪ੍ਰਧਾਨ ਗੁਰਜਿੰਦਰ ਸਿੰਘ ਸਿੱਧੂ ਅਤੇ ਚੇਅਰਮੈਨ ਭੋਲਾ ਸਿੰਘ ਵਿਰਕ ਨੇ ਉਚੇਰੇ ਤੌਰ 'ਤੇ ਸ਼ਮੂਲੀਅਤ ਕਰਕੇ ਖਿਡਾਰੀਆਂ ਨੂੰ ਅਸ਼ੀਰਵਾਦ ਦਿੱਤਾ। ਖੇਡ ਮੇਲੇ ਦੌਰਾਨ ਨਾਮਵਰ ਕਬੱਡੀ ਰੇਡਰ ਜੱਗਾ ਬੀਹਲਾ ਨੂੰ ਪ੍ਰਵਾਸੀ ਭਾਰਤੀ ਨਿੱਕਾ ਡੰਡਵਾਲ ਯੂ. ਐਸ. ਏ. ਵੱਲੋਂ ਬੁਲਟ ਮੋਟਰਸਾਇਕਲ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਖੇਡ ਮੇਲੇ ਦੇ ਅੰਤਿਮ ਨਤੀਜੇ ਅਨੁਸਾਰ ਕਬੱਡੀ 32ਕਿਲੋ 'ਚੋਂ ਬੱਜੋਆਣਾ-ਬਣਾਂਵਾਲੀ, ਕਬੱਡੀ 52ਕਿਲੋ ਰੌਂਤਾ-ਸਰਾਵਾਂ, 65ਕਿਲੋ ਮੱਝੂਕੇ-ਜੰਡਸਰ ਸਹੌਰ, 70ਕਿਲੋ ਬੀਹਲਾ-ਜੰਡਸਰ ਸਹੌਰ ਟੀਮਾਂ ਨੇ ਕ੍ਰਮਵਾਰ ਪਹਿਲਾ-ਦੂਜਾ ਇਨਾਮ ਪ੍ਰਾਪਤ ਕੀਤਾ। ਕਬੱਡੀ ਓਪਨ ਦੇ ਫਸਵੇਂ ਰੋਮਾਂਚਿਕ ਮੁਕਾਬਲੇ ਵਿਚੋਂ ਹਠੂਰ ਦੇ ਖਿਡਾਰੀਆਂ ਨੇ ਮੇਜ਼ਬਾਨ ਟੀਮ ਬੀਹਲਾ ਨੂੰ ਹਰਾ ਕੇ ਬਾਜ਼ੀ ਮਾਰੀ। ਖੇਡ ਮੇਲੇ ਦੌਰਾਨ ਬੈਸਟ ਰੇਡਰ ਮਿੰਟੂ ਬੀਹਲਾ ਅਤੇ ਬੈਸਟ ਜਾਫੀ ਨਾਨਕ ਹਠੂਰ ਨੂੰ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਖੇਡ ਮੇਲੇ ਦੀ ਸਫ਼ਲਤਾ ਲਈ ਪ੍ਰਵਾਸੀ ਭਾਰਤੀਆਂ ਪਰਮਜੀਤ ਸਿੰਘ ਕੈਨੇਡੀਅਨ, ਹਰਜੀਤ ਸਿੰਘ ਰਾਣਾ ਕੈਨੇਡੀਅਨ, ਜਸਵੀਰ ਸਿੰਘ ਸਿੱਧੂ ਇੰਗਲੈਂਡ, ਸਿਮਰਜੋਤ ਸਿੰਘ ਕੈਨੇਡੀਅਨ ਆਦਿ ਨੇ ਭਰਵਾਂ ਸਹਿਯੋਗ ਦਿੱਤਾ। ਮੁੱਖ ਮਹਿਮਾਨਾਂ, ਜੇਤੂ ਟੀਮਾਂ ਅਤੇ ਦਾਨੀ ਸੱਜਣਾਂ ਨੂੰ ਸਨਮਾਨਿਤ ਕਰਨ ਦੀ ਰਸਮ ਪਰਗਟ ਸਿੰਘ ਰੰਧਾਵਾ, ਡਾ. ਰੁਪਿੰਦਰ ਸਿੰਘ, ਮਾਸਟਰ ਬਲਜੀਤ ਸਿੰਘ, ਸਾਬਕਾ ਸਰਪੰਚ ਜਗਰੂਪ ਸਿੰਘ ਸਿੱਧੂ, ਪੰਚ ਭੁਪਿੰਦਰ ਸਿੰਘ ਭੁੱਲਰ, ਸੁਖਦੇਵ ਸਿੰਘ ਧਾਲੀਵਾਲ, ਮੁਖਤਿਆਰ ਸਿੰਘ ਤੁਫ਼ਾਨ, ਰਾਜਵੀਰ ਸਿੰਘ ਸਿੱਧੂ, ਜੁਗਰਾਜ ਸਿੰਘ ਨੰਬਰਦਾਰ, ਸੋਨੀ ਸਿੱਧੂ, ਹਰੀ ਸਿੰਘ ਪੰਚ, ਮਨਿੰਦਰ ਸਿੰਘ ਰੰਧਾਵਾ, ਬਿੱਟੂ ਭੁੱਲਰ, ਕ੍ਰਿਪਾਲ ਸਿੰਘ, ਪਾਲੀ ਰੰਧਾਵਾ, ਦੀਪਾ ਰੰਧਾਵਾ, ਗੁਰਵਿੰਦਰ ਰੰਧਾਵਾ, ਜਗਤਾਰ ਭੁੱਲਰ, ਪੰਚ ਜੋਗਿੰਦਰ ਸਿੰਘ, ਰੇਸ਼ਮ ਸਿੰਘ, ਦਲੀਪ ਸਿੰਘ, ਮਨਜੀਤ ਸਿੰਘ ਭੋਲਾ ਆਦਿ ਸਮੂਹ ਪ੍ਰਬੰਧਕਾਂ ਨੇ ਸਾਂਝੇ ਤੌਰ ਤੇ ਨਿਭਾਈ। ਟੂਰਨਾਮੈਟ ਦੀ ਕੁਮੈਂਟਰੀ ਹਰਮਨ ਸਿੰਘ ਜੋਗਾ ਮਹਿਲ ਕਲਾਂ ਨੇ ਪ੍ਰਭਾਵਸ਼ਾਲੀ ਢੰਗ ਨਾਲ ਕੀਤੀ।