 |
| ਸੰਤ ਜਸਵੀਰ ਸਿੰਘ ਖਾਲਸਾ |
ਮਹਿਲ ਕਲਾਂ, 14 ਅਗਸਤ
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਵਿਚ ਹਲਕਾ ਚੰਨਣਵਾਲ ਜਨਰਲ ਤੋਂ ਸਰਬ ਸਾਂਝੇ ਅਤੇ ਬੇਦਾਗ ਉਮੀਦਵਾਰ ਸੰਤ ਜਸਵੀਰ ਸਿੰਘ ਖਾਲਸਾ ਕਾਲਾਮਾਲਾ ਸਾਹਿਬ ਵਾਲਿਆਂ ਨੇ ਆਪਣੀ ਚੋਣ ਮੁਹਿੰਮ ਨੂੰ ਤੇਜ ਕਰਦਿਆਂ ਹਲਕੇ ਦੇ ਪਿੰਡਾਂ ਮਹਿਲ ਖੁਰਦ, ਛੀਨੀਵਾਲ ਕਲਾਂ, ਰਾਏਸਰ, ਠੀਕਰੀਵਾਲ, ਚੰਨਣਵਾਲ, ਕੈਰੇ, ਗੁਰਮ, ਗੁੰਮਟੀ ਆਦਿ ਦਰਜਨ ਵੱਖ-ਵੱਖ ਪਿੰਡਾਂ ਵਿਚ ਸੰਪਰਕ ਮੀਟਿੰਗਾਂ ਕਰਕੇ ਸਹਿਯੋਗ ਦੀ ਮੰਗ ਕੀਤੀ। ਸੰਤ ਖਾਲਸਾ ਨੇ ਕਿਹਾ ਕਿ ਹਲਕੇ ਦੀਆਂ ਸੰਗਤਾਂ ਵੱਲੋਂ ਬਖਸ਼ੀ ਗਈ ਸ਼ਕਤੀ ਦੁਆਰਾ ਉਨ੍ਹਾਂ ਕਿਸੇ ਪੱਖਪਾਤ ਤੋਂ ਬਿਨਾਂ ਹਲਕੇ ਦੇ ਸਮੂਹ ਗੁਰੂ ਘਰਾਂ ਨੂੰ ਫੰਡ ਜਾਰੀ ਕਰਨ ਤੇ ਧਰਮ ਪ੍ਰਚਾਰ ਤਹਿਤ ਧਾਰਮਿਕ ਲਾਇਬਰੇਰੀਆਂ ਖੋਲਣ, ਸਮਾਜ ਸੇਵਾ ਤਹਿਤ ਲੋੜਵੰਦ ਪਰਿਵਾਰਾਂ ਦੀਆਂ ਧੀਆਂ ਦੇ ਵਿਆਹ ਕਰਨ ਤੋਂ ਇਲਾਵਾ ਵਿਪਤਾ ਮਾਰੇ ਲੋਕਾਂ ਦੀ ਮਦਦ ਕਰਨ ਵੱਲ ਉਚੇਚੇ ਤੌਰ ਤੇ ਧਿਆਨ ਦਿੱਤਾ ਹੈ। ਉਨ੍ਹਾਂ ਦੇ ਉਦਮ ਸਦਕਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਦੋ ਕਰੋੜ ਰੁਪਏ ਦੀ ਲਾਗਤ ਨਾਲ ਵੱਡੇ ਘੱਲੂਘਾਰੇ ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਸ਼ੁਰੂ ਕੀਤੇ ਗਏ ਗੁਰਮਿਤ ਸੰਗੀਤ ਵਿਦਿਆਲੇ ਵਿਚੋਂ ਸਿੱਖਿਆ ਪ੍ਰਾਪਤ ਕਰਕੇ ਨੌਜਵਾਨ ਦੇਸਾਂ ਵਿਦੇਸ਼ਾਂ ਵਿਚ ਗੁਰਬਾਣੀ ਦਾ ਪ੍ਰਚਾਰ ਕਰ ਰਹੇ ਹਨ। ਸੰਤ ਖਾਲਸਾ ਨੇ ਕਿਹਾ ਕਿ ਉਹ ਪਿਛਲੇ ਕਾਰਜਕਾਲ ਦੌਰਾਨ ਕੀਤੇ ਕੰਮਾਂ ਦੇ ਬਲਬੂਤੇ ਤੇ ਸਮੂਹ ਸੰਗਤਾਂ ਵੱਲੋਂ ਮਿਲ ਰਹੇ ਮਾਣ ਸਤਿਕਾਰ ਸਦਕਾ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰਨਗੇ। ਇਸ ਮੌਕੇ ਜਥੇ. ਮਨਜੀਤ ਸਿੰਘ ਲੋਹਟਬੱਧੀ, ਮੈਂਬਰ ਪੰਚਾਇਤ ਸੰਮਤੀ ਦਰਸ਼ਨ ਸਿੰਘ ਛਾਪਾ, ਜਥੇ. ਮੁਖਤਿਆਰ ਸਿੰਘ ਦਿਓਲ, ਗਿਆਨੀ ਜਰਨੈਲ ਸਿੰਘ ਮਹਿਲ ਖੁਰਦ, ਗੁਰਦੇਵ ਸਿੰਘ ਖਾਲਸਾ, ਪ੍ਰਿਥੀ ਸਿੰਘ ਛਾਪਾ, ਪੰਚ ਬਲਦੇਵ ਸਿੰਘ ਛਾਪਾ, ਸੁਸਾਇਟੀ ਪ੍ਰਧਾਨ ਕੌਰ ਸਿੰਘ ਹਮੀਦੀ, ਚੇਅਰਮੈਨ ਸ਼ਿੰਗਾਰਾ ਸਿੰਘ ਸੇਖਾ, ਜਸਵੰਤ ਸਿੰਘ ਝਲੂਰ, ਜਸਪਾਲ ਸਿੰਘ, ਹਰਭਜਨ ਸਿੰਘ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਿਰ ਸਨ।
No comments:
Post a Comment