ਯਾਰ ਅਣਮੁੱਲੇ ਨਾਲ ਚਰਚਿਤ ਨੌਜਵਾਨ ਲੇਖਕ ਅਕਾਸ਼ਦੀਪ ਸਿੰਘ ਉਰਫ਼ ਬੱਬੂ ( Babbu Yaar Anmulle )

ਅੱਜਕਲ੍ਹ ਇਕ ਪੰਜਾਬੀ ਗੀਤ 'ਬੜੇ ਚੇਤੇ ਆਉਂਦੇ ਨੇ ਯਾਰ ਅਣਮੁੱਲੇ ਹਵਾ ਦੇ ਬੁਲ੍ਹੇ' ਨੌਜਵਾਨ ਪੀੜ੍ਹੀ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ। ਨੌਜਵਾਨ ਲੇਖਕ ਅਕਾਸ਼ਦੀਪ ਸਿੰਘ ਉਰਫ਼ ਬੱਬੂ ਦੁਆਰਾ ਲਿਖੇ ਅਤੇ ਸ਼ੈਰੀ ਮਾਨ ਦੁਆਰਾ ਗਾਏ ਇਸ ਗੀਤ ਨੇ ਰਿਕਾਰਡ ਤੋੜ ਸਫਲਤਾ ਹਾਸਲ ਕੀਤੀ ਹੈ। 21 ਸਾਲਾ ਬੇਹੱਦ ਮਿੱਠਬੋਲੜੇ ਅਤੇ ਮਿਲਾਪੜੇ ਸੁਭਾਅ ਦੇ ਮਾਲਕ ਬੱਬੂ ਦਾ ਜਨਮ ਜ਼ਿਲ੍ਹਾ ਮੋਹਾਲੀ ਸ਼ਹਿਰ ਕੁਰਾਲੀ ਵਿਖੇ ਮਾਤਾ ਨਰਵਿੰਦਰ ਕੌਰ ਦੀ ਕੁੱਖੋਂ ਪਿਤਾ ਅਮਰਜੀਤ ਸਿੰਘ ਦੇ ਘਰ 14 ਦਸੰਬਰ 1989 'ਚ ਹੋਇਆ। ਅੱਜਕਲ੍ਹ ਉਹ ਚੰਡੀਗੜ੍ਹ ਬੀ-ਟੈਕ ਦਾ ਵਿਦਿਆਰਥੀ ਹੈ। ਬੱਬੂ ਅਨੁਸਾਰ ਉਸਨੇ 17 ਕੁ ਸਾਲ ਦੀ ਉਮਰ ਵਿਚ ਲਿਖਣਾਂ ਸੁਰੂ ਕੀਤਾ ਅਤੇ ਹੁਣ ਤੱਕ ਚਾਰ ਸੌ ਦੇ ਕਰੀਬ ਗੀਤ ਲਿਖ ਚੁੱਕਾ ਹੈ, ਜਿਨ੍ਹਾਂ ਵਿਚੋਂ ਉਸਨੂੰ ਕਾਮਯਾਬੀ ਦਿਵਾਉਂਣ ਵਾਲਾ ਗੀਤ 'ਯਾਰ ਅਣਮੁੱਲੇ' ਵੀ ਇਕ ਹੈ ਜਿਸਨੂੰ ਸ਼ੈਰੀ ਮਾਨ ਦੀ ਸੁਰੀਲੀ ਅਵਾਜ਼ ਅਤੇ ਸਰਵਪ੍ਰੀਤ ਸਿੰਘ ਧੰਮੂ ਉਰਫ ਨਿੱਕ ਕੈਨੇਡਾ ਨੇ ਬਹੁਤ ਜੀ ਖ਼ੂਬਸੂਰਤ ਸੰਗੀਤ ਨਾਲ ਸ਼ਿੰਗਾਰਿਆ। ਯਾਰ ਅਣਮੁੱਲੇ ਗੀਤ ਕਾਲਜ਼ ਦੀ ਮੌਜ ਮਸਤ ਰੂਪੀ ਜ਼ਿੰਦਗੀ ਦਾ ਅਕਸ ਇਕ ਵਿਲੱਖਣ ਰੂਪ ਵਿਚ ਪੇਸ਼ ਕਰਦਿਆਂ ਆਪਣੇ ਦੋਸਤਾਂ ਨੂੰ ਗੀਤ ਦੇ ਪਾਤਰਾਂ ਦੇ ਰੂਪ ਬੜੇ ਖੁਬਸੂਰਤ ਢੰਗ ਨਾਲ ਚਿੱਤਰਿਆ ਹੈ ਅਤੇ ਇਹੀ ਕਾਰਨ ਹੈ ਕਿ ਨੌਜਵਾਨਾਂ ਨੇ ਇਸਨੂੰ ਪਸੰਦ ਕੀਤਾ 'ਤੇ ਹਰੇਕ ਨੌਜਵਾਨ ਇਨ੍ਹਾਂ ਵਿਚੋਂ ਆਪਣੇ ਆਪ ਨੂੰ ਲੱਭਣ ਦੀ ਕੋਸ਼ਿਸ਼ ਕਰਦਾ ਹੈ। ਅਜੇ ਇਸ ਗੀਤ ਨੂੰ ਕਿਸੇ ਵੀ ਕੰਪਨੀ ਦੁਆਰਾ ਮਾਰਕੀਟ ਵਿਚ ਰਿਲੀਜ਼ ਨਹੀਂ ਕੀਤਾ ਗਿਆ ਸੀ ਕਿ ਵੈਬ ਸਾਈਟ ਯੂ ਟਿਊਬ ਡਾਟ ਕਾਮ ਉੱਤੇ ਜਦੋਂ ਬੱਬੂ, ਸ਼ੈਰੀ ਅਤੇ ਨਿੱਕ ਦੀ ਤਿਕੜੀ ਨੇ ਜਦੋਂ ਸ੍ਰੋਤਿਆਂ ਦੇ ਰੂ-ਬ-ਰੂ ਕੀਤਾ ਤਾਂ ਦੇਖਿਆਂ ਹੀ ਦੇਖਦਿਆ ਇਸਨੂੰ ਚਾਹੁੰਣ ਵਾਲਿਆਂ ਦੀ ਗਿਣਤੀ ਤਿੰਨ ਹਫ਼ਤਿਆਂ ਵਿਚ ਚਾਰ ਲੱਖ ਤੱਕ ਪਹੁੰਚ ਗਈ ਅਤੇ ਹੁਣ ਇਸ ਨੂੰ ਬਕਾਇਦਾ ਐਲਬਮ ਦੇ ਰੂਪ ਵਿਚ ਸਪੀਡ ਰਿਕਾਰਡਜ਼ ਵੱਲੋਂ ਮਾਰਕੀਟ ਵਿਚ ਪੇਸ਼ ਕੀਤਾ ਗਿਆ ਹੈ। ਬੱਬੂ ਨੂੰ ਉਰਦੂ ਅਤੇ ਪੰਜਾਬੀ ਸ਼ਾਇਰੀ ਪੜ੍ਹਨਾ ਬਹੁਤ ਪਸੰਦ ਹੈ, ਪਾਕਿਸਤਾਨੀ ਉਰਦੂ ਸ਼ਾਇਰ ਅਹਿਮਦ ਫਰਾਜ਼, ਗੁਰਦਾਸ ਮਾਨ, ਡਾ. ਸਤਿੰਦਰ ਸਰਤਾਜ, ਦੇਬੀ ਮਖ਼ਸੂਸਪੁਰੀ ਦੀ ਲੇਖਣੀ ਅਤੇ ਗਾਇਕੀ ਤੋਂ ਬਹੁਤ ਪ੍ਰਭਾਵਿਤ ਹੈ। ਉਹ ਅਕਸਰ ਹੀ ਆਪਣੀ ਲੇਖਣੀ ਬਾਰੇ ਸ਼ਾਇਰਾਨਾ ਅੰਦਾਜ਼ ਵਿਚ ਆਖਦਾ ਹੈ:

ਸੱਚੀਆਂ ਗੱਲਾਂ ਲਿਖੀਏ ਤਾਂ ਹੀ ਲੋਕ ਸਲਾਹੁਵਣਗੇ,
ਨਹੀਂ ਤਾਂ 'ਬੱਬੂ' ਤੇਰੇ ਵਰਗੇ ਐਥੇ ਕਿੰਨੇ ਹੀ ਆਵਣਗੇ।

ਗੀਤ 'ਯਾਰ ਅਣਮੁਲੇ' ਨੂੰ ਮਿਲੇ ਅਥਾਹ ਪਿਆਰ ਸਦਕਾ ਉਸਦੇ ਆਤਮ ਵਿਸ਼ਵਾਸ ਵਿਚ ਵਾਧਾ ਹੋਇਆ, ਉਹ ਅੱਜਕਲ੍ਹ ਗਾਉਣ ਦੀ ਬਕਾਇਦਾ ਤਾਲੀਮ ਹਾਸਲ ਕਰ ਰਿਹਾ ਹੈ ਅਤੇ ਜਲਦ ਦੀ ਆਪਣੇ ਦੁਆਰਾ ਲਿਖੇ ਗੀਤ ਨੂੰ ਆਪਣੀ ਆਵਾਜ਼ ਦੇ ਕੇ ਸ੍ਰੋਤਿਆਂ ਦੀ ਝੋਲੀ ਪਾਵੇਗਾ। ਪੰਜਾਬੀ ਸੰਗੀਤ ਜਗਤ ਵਿਚ ਬਹੁਤ ਕੁਝ ਨਵਾਂ ਕਰ ਦਿਖਾਉਂਣ ਦੇ ਸੁਪਨੇ ਵੇਖ ਰਹੇ ਇਸ ਪਰਿਤਭਾਸ਼ਾਲੀ ਨੌਜਵਾਨ ਲੇਖਕ ਬੱਬੂ ਤੋਂ ਜਿਥੇ ਸਮੂਹ ਪੰਜਾਬੀ ਸ੍ਰੋਤਿਆਂ ਨੂੰ ਬਹੁਤ ਆਸਾਂ ਹਨ ਉਥੇ ਅਸੀਂ ਵੀ ਇਸਦੇ ਸਭ ਸੁਪਨੇ ਸਾਕਾਰ ਹੋਣ ਦੀ ਦੁਆ ਕਰਦੇ ਹਾਂ।

-ਗੁਰਪ੍ਰੀਤ ਸਿੰਘ ਅਣਖੀ

ਮਹਿਲ ਕਲਾਂ (ਬਰਨਾਲਾ)।
Cell. +91 99145 65135

gurpreetankhi@gmail.com
http://www.facebook.com/gurpreetsinghankhi

 23 ਮਾਰਚ 2011 ਦੇ ਰੋਜ਼ਾਨਾ ਅਜੀਤ ਵਿਚ ਛਪਿਆ ਇਹ ਆਰਟੀਕਲ।

"ਦੀ ਟੇਕਓਵਾ" ਨਾਲ ਚਰਚਿੱਤ ਨੌਜਵਾਨ ਪੰਜਾਬੀ ਗਾਇਕ ਗੁਰਜੀਤ ਰਾਹਲ - Singer Gurjit Rahal

ਗਾਇਕ ਗੁਰਜੀਤ ਰਾਹਲ - Singer Gurjit Rahal

ਪੰਜਾਬੀ ਸੰਗੀਤ ਜਗਤ ਵਿਚ ਪਲੇਠੀ ਐਲਬਮ 'ਪੀਘਾਂ ਪਿਆਰ ਦੀਆਂ' ਰਾਹੀਂ ਆਪਣੀ ਗਾਇਕੀ ਦਾ ਲੋਹਾ ਮੰਨਵਾ ਚੁੱਕਿਆ ਨੌਜਵਾਨ ਪੰਜਾਬੀ ਗਾਇਕ ਗੁਰਜੀਤ ਰਾਹਲ ਇਕ ਵਾਰ ਫੇਰ ਅੰਤਰ ਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਮਿਊਜ਼ਿਕ ਬੈਂਡ ਆਰ. ਡੀ. ਬੀ. ਨਾਲ ਆਪਣੀ ਨਵੀਂ ਸੋਲੋ ਪੰਜਾਬੀ ਐਲਬਮ 'ਦੀ ਟੇਕਓਵਾ' ਨੂੰ ਲੈ ਕੇ ਚਰਚਾ ਵਿਚ ਹੈ। ਗੁਰਜੀਤ ਅੱਜ ਕੈਨੇਡਾ ਦੇ ਘੁੱਗ ਵਸਦੇ ਸ਼ਹਿਰ ਟਰਾਂਟੋ ਦਾ ਵਸਨੀਕ ਹੈ ਪਰ ਇਸ ਪੰਜਾਬੀ ਗਾਇਕ ਦਾ ਪਿਛੋਕੜ ਮਾਲਵਾ ਖੇਤਰ ਵਿਚ ਪੈਂਦੇ ਕਸਬਾ ਮਹਿਲ ਕਲਾਂ (ਬਰਨਾਲਾ) ਨਾਲ ਸੰਬੰਧਿਤ ਹੈ। ਪਿਤਾ ਸ: ਸਾਧੂ ਸਿੰਘ ਰਾਹਲ ਦੇ ਘਰ ਮਾਤਾ ਹਰਬੰਸ ਕੌਰ ਦੀ ਕੁੱਖੋਂ ਜਨਮੇ ਇਸ ਪੰਜਾਬੀ ਗਾਇਕ ਗੁਰਜੀਤ ਰਾਹਲ ਦੇ ਮਨ ਵਿਚ ਬਚਪਨ ਤੋਂ ਹੀ ਗਾਇਕ ਬਨਣ ਦਾ ਸੁਪਨਾ ਪਣਪ ਰਿਹਾ ਸੀ ਅਤੇ ਉਹ ਇਹੀ ਸੁਪਨਾ ਲੈ ਕੇ 14 ਸਾਲ ਦੀ ਉਮਰ ਵਿਚ ਕੈਨੇਡਾ ਚਲਾ ਗਿਆ, ਜਿਥੇ ਉਸ ਨੇ ਉਸਤਾਦ ਮਹੇਸ਼ ਮਲਵਾਨੀ ਕੋਲ 4-5 ਸਾਲ ਸਖ਼ਤ ਮਿਹਨਤ ਮੁਸ਼ੱਕਤ ਨਾਲ ਸੰਗੀਤ ਦੀਆਂ ਬਾਰੀਕੀਆਂ ਬਾਰੇ ਤਾਲੀਮ ਹਾਸਲ ਕੀਤੀ। ਅੰਤ ਗੁਰਜੀਤ ਦੀ ਪਹਿਲੀ ਐਲਬਮ ਪ੍ਰਸਿੱਧ ਸੰਗੀਤਕਾਰ ਸੁਖਪਾਲ ਸੁੱਖ ਦੇ ਸੰਗੀਤ ਵਿਚ ਗੀਤਕਾਰ ਮਨਪ੍ਰੀਤ ਟਿਵਾਣਾ ਦੁਆਰਾ ਲਿਖੇ ਗੀਤਾਂ ਨੂੰ ਭਾਰਤੀ ਵਿਸ਼ਵ ਪ੍ਰਸਿੱਧ ਕੈਸੇਟ ਕੰਪਨੀ ਯੂਨੀਵਰਸਲ ਦੁਆਰਾ ਮਾਰਕੀਟ ਵਿਚ ਉਤਾਰਿਆ ਗਿਆ, ਜਿਸ ਨੂੰ ਪੰਜਾਬੀ ਸਰੋਤਿਆਂ ਨੇ ਗੁਰਜੀਤ ਦੀ ਸਖ਼ਤ ਮਿਹਨਤ ਦਾ ਮੁੱਲ ਪਾਉਂਦੇ ਹੋਏ, ਰੱਜਵਾਂ ਪਿਆਰ ਦੇ ਕੇ ਨਿਵਾਜਿਆ ਅਤੇ ਉਸ ਦੀ ਅਹਿਮ ਪਹਿਚਾਣ ਬਣਾਈ। ਭਾਵੇਂ ਗੁਰਜੀਤ ਅੱਜਕਲ੍ਹ ਟੋਰਾਂਟੋ ਦਾ ਵਸਨੀਕ ਹੈ ਪਰ ਉਸ ਨੇ ਕਦੇ ਆਪਣੇ ਪਿਛੋਕੜ ਤੇ ਅਮੀਰ ਪੰਜਾਬੀ ਵਿਰਸੇ ਨੂੰ ਮਨੋ ਨਹੀਂ ਵਿਸਾਰਿਆ ਅਤੇ ਉਸ ਦੇ ਹਿਰਦੇ ਅੰਦਰ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਪ੍ਰਤੀ ਮੋਹ ਠਾਠਾਂ ਮਾਰ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਉਹ ਵਿਦੇਸ਼ ਵਿਚ ਰਹਿ ਕੇ ਵੀ ਮਾਂ-ਬੋਲੀ ਪੰਜਾਬੀ ਦੀ ਸੇਵਾ ਕਰ ਰਿਹਾ ਹੈ। ਹਮੇਸ਼ਾ ਮਨ ਵਿਚ ਕੁਝ ਵੱਖਰਾ ਕਰਨ ਦਾ ਚਾਹਵਾਨ ਹਰਮਨ-ਪਿਆਰੇ ਪੰਜਾਬੀ ਗਾਇਕ ਨੇ ਆਪਣੀ ਦੂਸਰੀ ਪੰਜਾਬੀ ਸੋਲੋ ਐਲਬਮ 'ਦੀ ਟੇਕਓਵਾ' ਸਰੋਤਿਆਂ ਦੀ ਝੋਲੀ ਪਾਈ ਹੈ। ਇਸ ਐਲਬਮ ਵਿਚ ਹਰ ਵਰਗ ਦੇ ਸਰੋਤਿਆਂ ਦੀ ਨਬਜ਼ ਨੂੰ ਪਹਿਚਾਣਦੇ ਹੋਏ ਕੁੱਲ 12 ਗੀਤ ਸ਼ਾਮਿਲ ਕੀਤੇ ਗਏ ਹਨ, ਜਿਨ੍ਹਾਂ ਵਿਚੋਂ ਛੇ ਗੀਤ "ਐਸ਼ ਕਰੋਗੀ", "ਜਿੰਦ ਜਾਨ", "ਬੋਤਲਾਂ ਦੇ ਡੱਟ", "ਸੋਹਣਿਆ ਵੇ ਆਜਾ", "ਲਇਸੰਸ" ਅਤੇ "ਬੋਲ ਮਿੱਤਰਾ" ਪ੍ਰਸਿੱਧ ਗੀਤਕਾਰ ਮਨਪ੍ਰੀਤ ਟਿਵਾਣਾ, ਦੋ ਗੀਤ "ਭਰਾਵਾਂ" 'ਤੇ "ਗਲਾਸ" ਗੁਰਮਿੰਦਰ ਮੱਦੋਕੇ, ਦੋ ਗੀਤ "ਪੰਜਾਬੀ" ਅਤੇ "ਬਾਜ਼ਾਂ ਵਾਲੇ" ਗੈਰੀ ਟਰਾਂਟੋ, ਇਕ ਗੀਤ "ਹਰੇਕ ਬੰਦਾ" ਰਾਜਾ ਰਾਹਲ ਅਤੇ ਇਕ ਗੀਤ "ਖੁਸ਼ੀਆਂ" ਅਲੀ ਫਤਿਹਗੜ੍ਹ ਜੱਟਾਂ ਨੇ ਆਪਣੀ ਕਲਮ ਦੁਆਰਾ ਬੜੇ ਖੂਬਸੂਰਤ ਢੰਗ ਨਾਲ ਲਿਖੇ ਹਨ। ਇਸ ਦੇ ਸਾਰੇ ਗੀਤਾਂ ਦਾ ਸੰਗੀਤ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਆਰ. ਡੀ. ਬੀ. ਮਿਊਜ਼ਿਕ ਬੈਂਡ ਵੱਲੋਂ ਬੜੇ ਹੀ ਨਿਵੇਕਲੇ ਢੰਗ ਨਾਲ ਤਿਆਰ ਕੀਤਾ ਗਿਆ ਹੈ ਅਤੇ ਇਸ ਨੂੰ ਯੂਨੀਵਰਸਲ ਵੱਲੋਂ ਦੁਨੀਆ ਪੱਧਰ 'ਤੇ ਰਿਲੀਜ਼ ਕੀਤਾ ਹੈ। 

'ਐਸ਼ ਕਰੋਗੀ' ਦੇ ਵੀਡੀਓ ਫਿਲਮਾਂਕਣ ਦੌਰਾਨ ਗੁਰਜੀਤ ਰਾਹਲ ਅਤੇ ਆਰ. ਡੀ. ਬੀ.।  

ਐਲਬਮ ਦੇ ਇਕ ਗੀਤ 'ਐਸ਼ ਕਰੋਗੀ' ਦਾ ਵੀਡੀਓ ਕੈਲੇਫੋਰਨੀਆ ਅਤੇ ਸਨਫ੍ਰਾਂਸਿਸਕੋ ਵਿਚ ਨਾਮਵਰ ਵੀਡੀਓ ਡਾਇਰੈਕਟਰ ਸਨੀਲ ਦਿਓ ਦੀ ਡਾਇਰੈਕਸ਼ਨ ਹੇਠ ਫ਼ਿਲਮਾਇਆ ਗਿਆ ਹੈ, ਜੋ ਵੱਖ-ਵੱਖ ਚੈਨਲਾਂ 'ਤੇ ਸਫਲਤਾ ਪੂਰਬਕ ਚੱਲ ਰਿਹਾ ਹੈ, ਇਕ ਹੋਰ ਗੀਤ "ਗਲਾਸ" ਦਾ ਵੀਡੀਓ ਨਿਰਦੇਸ਼ਕ ਸੁਮੀਤ ਭਾਰਦਵਾਜ਼ ਸੁਚੱਜੇ ਢੰਗ ਨਾਲ ਤਿਆਰ ਕੀਤਾ ਹੈ, ਜਿਸਨੂੰ ਸਰੋਤੇ ਆਉਂਦੇ ਕੁਝ ਦਿਨਾਂ ਤੱਕ ਵੱਖ-ਵੱਖ ਚੈਨਲਾਂ ਤੇ ਦੇਖ ਸਕਣਗੇ ਅਤੇ ਬਾਕੀ ਦੇ ਸਾਰੇ ਵੀਡੀਓਜ਼ ਦੇ ਫ਼ਿਲਮਾਂਕਣ ਦਾ ਕੰਮ ਭਾਰਤ ਦੀਆਂ ਵੱਖ-ਵੱਖ ਲੋਕੇਸ਼ਨਾਂ 'ਤੇ ਕੀਤਾ ਜਾ ਰਿਹਾ ਹੈ। ਇਸ ਸੁਰੀਲੇ ਪੰਜਾਬੀ ਗਾਇਕ ਗੁਰਜੀਤ ਰਾਹਲ ਨੂੰ ਜਿੱਥੇ ਆਪਣੀ ਇਸ ਐਲਬਮ ਤੋਂ ਭਰਪੂਰ ਆਸਾਂ ਹਨ, ਉੱਥੇ ਅਸੀਂ ਵੀ ਇਸ ਦੀ ਕਾਮਯਾਬੀ ਦੀ ਦੁਆ ਕਰਦੇ ਹਾਂ।

ਯੂ ਟਿਊਬ ਉੱਤੇ "ਐਸ਼ ਕਰੋਗੀ" ਗੀਤ ਦਾ ਵੀਡੀਓ ਦੇਖਣ ਲਈ ਇਸ ਲਿੰਕ ਤੇ ਕਲਿਕ ਕਰੋ।

http://www.youtube.com/watch?v=MmZGlmgkhAg

-ਗੁਰਪ੍ਰੀਤ ਸਿੰਘ ਅਣਖੀ

ਮਹਿਲ ਕਲਾਂ (ਬਰਨਾਲਾ)। 
Cell. +91 99145 65135

gurpreetankhi@gmail.com
http://www.facebook.com/gurpreetsinghankhi

Mehal Kalan : ਖੇਡਾਂ ਮਹਿਲ ਕਲਾਂ ਦੀਆਂ ਸਫਲਤਾ ਪੂਰਬਕ ਸਮਾਪਿਤ

-ਪ੍ਰਸਿੱਧ ਗੀਤਕਾਰ ਮਨਪ੍ਰੀਤ ਟਿਵਾਣਾ ਸਮੇਤ ਕਈ ਹੋਰ ਉੱਘੀਆਂ ਸਖਸ਼ੀਅਤਾਂ ਦਾ ਸਨਮਾਨ

ਮਹਿਲ ਕਲਾਂ, 2ਮਾਰਚ (ਅਣਖੀ)- ਸ਼ਹੀਦ ਬਾਬਾ ਜੰਗ ਸਿੰਘ ਕਬੱਡੀ ਸਪੋਰਟਸ ਅਤੇ ਵੈਲਫੇਅਰ ਕਲੱਬ ਰਜਿ: ਮਹਿਲ ਕਲਾਂ ਵੱਲੋਂ ਦੋਵੇਂ ਨਗਰ ਪੰਚਾਇਤਾਂ, ਐਨ. ਆਰ. ਆਈਜ਼. ਅਤੇ ਸਮੂਹ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਕਰਵਾਇਆ ਮਾਂ ਖੇਡ ਕਬੱਡੀ ਨੂੰ ਸਮਰਪਿਤ ਪੇਂਡੂ ਖੇਡ ਮੇਲਾ ਸ਼ਹੀਦ ਬੀਬੀ ਕਿਰਨਜੀਤ ਕੌਰ ਮੈਮੋਰੀਅਲ ਸੀਨੀਅਰ ਸੈਕੰਡਰੀ ਸਕੂਲ ਮਹਿਲ ਕਲਾਂ ਦੇ ਖੇਡ ਮੈਦਾਨ ਵਿਚ ਅਮਿੱਟ ਯਾਦਾਂ ਛੱਡਦਾ ਹੋਇਆ ਸਫ਼ਲਤਾ ਪੂਰਬਕ ਸਮਾਪਤ ਹੋਇਆ। ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਸ਼੍ਰੋਮਣੀ ਅਕਾਲੀ ਦਲ ਦੇ ਰਾਸ਼ਟਰੀ ਮੀਤ ਪ੍ਰਧਾਨ ਸਾਬਕਾ ਕੈਬਨਿਟ ਮੰਤਰੀ ਸ. ਗੋਬਿੰਦ ਸਿੰਘ ਕਾਂਝਲਾ ਪ੍ਰਮੱਖ ਹਲਕਾ ਇੰਚਾਰਜ਼ ਨੇ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਲੱਬ ਨੂੰ ਦੋ ਲੱਖ ਰੁਪਏ ਅਤੇ ਦੋਵੇਂ ਨਗਰ ਪੰਚਾਇਤਾਂ ਨੂੰ ਪੰਜ ਪੰਜ ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ। ਮੈਂਬਰ ਸ਼੍ਰੋਮਣੀ ਕਮੇਟੀ ਸੰਤ ਜਸਵੀਰ ਸਿੰਘ ਖਾਲਸਾ ਨੇ ਅਤੇ ਬਾਬਾ ਜੋਗਾ ਸਿੰਘ ਨਾਨਕਸਰ ਕਰਨਾਲ, ਚੇਅਰਮੈਨ ਭੋਲਾ ਸਿੰਘ ਵਿਰਕ ਵਾਈਸ ਚੇਅਰਮੈਨ ਮਲਕੀਤ ਸਿੰਘ ਚੀਮਾ, ਕੌਮੀ ਯੂਥ ਆਗੂ ਸੁਖਵਿੰਦਰ ਸਿੰਘ ਸੁੱਖਾ, ਹਲਕਾ ਪ੍ਰਧਾਨ ਕਮਿੱਕਰ ਸਿੰਘ ਸੋਢਾ ਨੇ ਵੀ ਖਿਡਾਰੀਆਂ ਨੂੰ ਅਸ਼ੀਰਵਾਦ ਦਿੰਦੇ ਹੋਏ ਹਾਜ਼ਰੀ ਲਵਾਈ। ਅੰਤਿਮ ਨਤੀਜਿਆਂ ਅਨੁਸਾਰ ਕਬੱਡੀ 29ਕਿਲੋ ਚਾਉਕੇ ਕਲਾਂ-ਮਹਿਲ ਕਲਾਂ, 43ਕਿਲੋ ਮਹਿਲ ਕਲਾਂ ਠਾਠ-ਮਾਹਲਾਂ ਕਲਾਂ ਮੋਗਾ, 53ਕਿਲੋ ਮਹਿਲ ਕਲਾਂ ਏ-ਮੂੰਮ ਅਤੇ 68ਕਿਲੋ ਸਹੌਰ-ਮਹਿਲ ਕਲਾਂ ਨੇ ਕ੍ਰਮਵਾਰ ਪਹਿਲਾ ਦੂਜਾ ਇਨਾਮ ਪ੍ਰਾਪਤ ਕੀਤਾ। ਕਬੱਡੀ ਓਪਨ ਨੇ ਦਿਲਚਸਪ ਮੁਕਾਬਲੇ ਵਿਚੋਂ ਲੋਹਗੜ੍ਹ ਨੇ ਬੱਸੀਆਂ ਨੂੰ ਹਰਾ ਕੇ ਬਾਜ਼ੀ ਮਾਰੀ। ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਦਾ ਖਿਤਾਬ ਕ੍ਰਮਵਾਰ ਬੁੱਧੂ ਇਮਾਮਗੜ੍ਹ ਅਤੇ ਜੋਬਨ ਲੋਹਗੜ੍ਹ ਨੇ ਜਿੱਤਿਆ। ਇਸ ਮੌਕੇ ਪ੍ਰਸਿੱਧ ਗੀਤਕਾਰ ਮਨਪ੍ਰੀਤ ਟਿਵਾਣਾ, ਗਾਇਕ ਗੁਰਜੀਤ ਰਾਹਲ, ਕੁਮੈਨਟੇਟਰ ਹਰਮਨ ਸਿੰਘ ਜੋਗਾ, ਗੋਲਡ ਮੈਡਲਿਸਟ ਜੇਤੂ ਬਾਡੀਬਿਲਡਰ ਹਰਦੀਪ ਸਿੰਘ ਕਾਲਾ ਅਤੇ ਨਾਮਵਰ ਕਬੱਡੀ ਖਿਡਾਰੀਆਂ ਕੀਪਾ ਸੱਦੋਵਾਲ, ਗੁਰਜੀਤ ਤੂਤ, ਕਾਲਾ ਹਮੀਦੀ, ਰਾਜਾ ਰਾਏਸਰ, ਗੋਪੀ ਚੰਨਣਵਾਲ, ਰਣਦੀਪ ਹੇਹਰ ਆਦਿ ਨੂੰ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਮੁੱਖ ਮਹਿਮਾਨਾਂ, ਜੇਤੂ ਖਿਡਾਰੀਆਂ ਅਤੇ ਦਾਨੀ ਸੱਜਣਾਂ ਨੂੰ ਸਨਮਾਨਿਤ ਕਰਨ ਦੀ ਰਸਮ ਕਲੱਬ ਦੇ ਚੇਅਰਮੈਨ ਕੁਲਵੰਤ ਸਿੰਘ ਫੌਜੀ, ਪ੍ਰਧਾਨ ਬੱਬੀ ਚੀਮਾਂ, ਖਜਾਂਨਚੀ ਮਾਨ ਸਿੰਘ ਮਾਨਾ ਤੇ ਰਣਜੀਤ ਸਿੰਘ ਖੜਕੇ ਕਾ, ਮੁੱਖ ਸਲਾਹਕਾਰ ਲਾਡੀ ਸੋਢਾ ਤੇ ਗੁਰਪ੍ਰੀਤ ਦਿਓਲ, ਪ੍ਰੈੱਸ ਸਕੱਤਰ ਅਮਨਾ ਜਗਦੇ, ਜਥੇ ਅਜਮੇਰ ਸਿੰਘ, ਸਵਰਨ ਸਿੰਘ ਚੀਮਾਂ, ਬਚਿੱਤਰ ਸਿੰਘ ਰਾਏਸਰ, ਰਣਧੀਰ ਸਿੰਘ ਕੈਨੇਡੀਅਨ, ਬਿੱਟੂ ਚੀਮਾਂ, ਪ੍ਰਧਾਨ ਬਾਬਾ ਸ਼ੇਰ ਸਿੰਘ, ਗੁਰਦੀਪ ਸਿੰਘ ਟਿਵਾਣਾ, ਸਤੀਸ਼ ਕੁਮਾਰ, ਮਾਸਟਰ ਯਸ਼ਪਾਲ ਸਿੰਘ ਸ਼ਰੀਹਾਂ, ਤਰਕਸ਼ੀਲ ਆਗੂ ਗੁਰਦੀਪ ਸਿੰਘ, ਪੰਚ ਗੋਬਿੰਦਰ ਸਿੰਘ ਸਿੱਧੂ ਆਦਿ ਸਮੂਹ ਪ੍ਰਬੰਧਕਾਂ ਨੇ ਸਾਂਝੇ ਤੌਰ 'ਤੇ ਨਿਭਾਈ। ਟੂਰਨਾਮੈਂਟ ਦੀ ਕੁਮੈਂਟਰੀ ਹਰਮਨ ਸਿੰਘ ਜੋਗਾ ਮਹਿਲ ਕਲਾਂ ਨੇ ਪ੍ਰਭਾਵਸ਼ਾਲੀ ਢੰਗ ਨਾਲ ਕੀਤੀ।

ਤਸਵੀਰਾਂ ਬੋਲਦੀਆਂ

ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਸ਼੍ਰੋਮਣੀ ਅਕਾਲੀ ਦਲ ਦੇ ਰਾਸ਼ਟਰੀ ਮੀਤ ਪ੍ਰਧਾਨ ਸਾਬਕਾ ਕੈਬਨਿਟ 
ਮੰਤਰੀ ਸ. ਗੋਬਿੰਦ ਸਿੰਘ ਕਾਂਝਲਾ ਦਾ ਸੁਆਗਤ ਕਰਦੇ ਹੋਏ ਪ੍ਰਬੰਧਕ।

ਸੰਬੋਧਨ ਕਰਦੇ ਹੋਏ ਸਾਬਕਾ ਕੈਬਨਿਟ ਮੰਤਰੀ ਸ. ਗੋਬਿੰਦ ਸਿੰਘ ਕਾਂਝਲਾ ਪ੍ਰਮੱਖ ਹਲਕਾ 

ਇੰਚਾਰਜ਼।

ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕਰਦੇ ਹੋਏ ਪ੍ਰਮੱਖ ਹਲਕਾ ਇੰਚਾਰਜ਼ ਸ. ਗੋਬਿੰਦ ਸਿੰਘ
ਕਾਂਝਲਾ।

ਖਿਡਾਰੀਆਂ ਨਾਲ ਯਾਦਗਾਰੀ ਤਸਵੀਰ ਕਰਵਾਉਂਦੇ ਹੋਏ ਸ. ਗੋਬਿੰਦ ਸਿੰਘ ਕਾਂਝਲਾ, ਪ੍ਰਬੰਧਕ
ਅਤੇ ਹੋਰ ਪਤਵੰਤੇ।

ਕੈਬਨਿਟ ਮੰਤਰੀ ਸ. ਗੋਬਿੰਦ ਸਿੰਘ ਕਾਂਝਲਾ ਨੂੰ ਸਨਮਾਨਿਤ ਕੀਤੇ ਜਾਣ ਦਾ ਦ੍ਰਿਸ਼।

ਜੇਤੂ ਖਿਡਾਰੀਆਂ ਨੂੰ ਸਨਮਾਨਿਤ ਕਰਦੇ ਹੋਏ ਚੇਅਰਮੈਨ ਸ. ਭੋਲਾ ਸਿੰਘ ਵਿਰਕ।

ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕਰਦੇ ਹੋਏ ਚੇਅਰਮੈਨ ਸ. ਭੋਲਾ ਸਿੰਘ ਵਿਰਕ।

ਖਿਡਾਰੀਆਂ ਨਾਲ ਯਾਦਗਾਰੀ ਤਸਵੀਰ ਕਰਵਾਉਂਦੇ ਹੋਏ ਚੇਅਰਮੈਨ ਸ. ਭੋਲਾ ਸਿੰਘ ਵਿਰਕ,
ਪ੍ਰਬੰਧਕ ਅਤੇ ਹੋਰ ਪਤਵੰਤੇ।

ਖੇਡ ਮੇਲੇ ਦੌਰਾਨ ਵਿਸ਼ੇਸ ਤੌਰ 'ਤੇ ਪਹੁੰਚੇ ਮੈਂਬਰ ਸ਼੍ਰੋਮਣੀ ਕਮੇਟੀ ਸੰਤ ਜਸਵੀਰ ਸਿੰਘ ਖਾਲਸਾ,
ਸ਼ਹੀਦ ਬਾਬਾ ਜੰਗ ਸਿੰਘ ਜੀ ਦੇ ਗੱਦੀ ਨਸ਼ੀਨ ਬਾਬਾ ਜੋਗਾ ਸਿੰਘ ਕਰਨਾਲ ਵਾਲਿਆਂ ਦਾ
ਸੁਆਗਤ ਕਰਦੇ ਹੋਏ ਪ੍ਰਬੰਧਕ।

ਖਿਡਾਰੀਆਂ ਨੂੰ ਅਸ਼ੀਰਵਾਦ ਦਿੰਦੇ ਸੰਤ ਜਸਵੀਰ ਸਿੰਘ ਖਾਲਸਾ ਤੇ ਬਾਬਾ ਜੋਗਾ ਸਿੰਘ
ਕਰਨਾਲ ਹੋਏ ਵਾਲੇ।

ਖਿਡਾਰੀਆਂ ਨਾਲ ਯਾਦਗਾਰੀ ਤਸਵੀਰ ਕਰਵਾਉਂਦੇ ਹੋਏ ਸੰਤ ਜਸਵੀਰ ਸਿੰਘ ਖਾਲਸਾ ਤੇ ਬਾਬਾ
ਜੋਗਾ ਸਿੰਘ ਕਰਨਾਲ ਹੋਏ ਵਾਲੇ,ਪ੍ਰਬੰਧਕ ਅਤੇ ਹੋਰ ਪਤਵੰਤੇ।

ਕਬੱਡੀ ਕੋਚ ਚੇਅਰਮੈਨ ਕੁਲਵੰਤ ਸਿੰਘ ਫੌਜੀ ਨੂੰ ਵਿਸ਼ੇਸ ਤੌਰ ਸਨਮਾਨਿਤ ਕਰਦੇ ਹੋਏ ਕਲੱਬ
ਦੇ ਸਮੂਹ ਅਹੁਦੇਦਾਰ।

ਸੁਆਗਤ ਮਨਪ੍ਰੀਤ ਟਿਵਾਣਾ ਦਾ

ਗਾਇਕ ਗੁਰਜੀਤ ਰਾਹਲ ਦਾ ਸੁਆਗਤ

ਪਿੰਡ ਦੇ ਜੰਮਪਲ ਪ੍ਰਸਿੱਧ ਗੀਤਕਾਰ ਮਨਪ੍ਰੀਤ ਟਿਵਾਣਾ ਨੂੰ ਸਨਮਾਨਿਤ ਕੀਤੇ ਜਾਣ ਦਾ
ਦ੍ਰਿਸ਼।

ਚਰਚਿੱਤ ਪੰਜਾਬੀ ਗੁਰਜੀਤ ਰਾਹਲ ਨੂੰ ਸਨਮਾਨਿਤ ਕਦੇ ਹੋਏ ਮੈਂਬਰ ਸ਼੍ਰੋਮਣੀ ਕਮੇਟੀ ਸੰਤ
ਜਸਵੀਰ ਸਿੰਘ ਖਾਲਸਾ,ਬਾਬਾ ਜੋਗਾ ਸਿੰਘ ਕਰਨਾਲ 'ਤੇ ਪ੍ਰਬੰਧਕ।

ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਗੁਰਜੀਤ ਤੂਤ ਨੂੰ ਸਨਮਾਨਿਤ ਕੀਤੇ ਜਾਣ ਦਾ ਦ੍ਰਿਸ਼।

ਬਾਡੀ ਬਿਲਡਿੰਗ ਵਿਚ ਗੋਲਡ ਮੈਡਲ ਪ੍ਰਾਪਤ ਕਰਕੇ ਮਹਿਲ ਕਲਾਂ ਦਾ ਨਾ ਰੌਸ਼ਨ ਕਰਨ
 ਵਾਲੇ ਹਰਦੀਪ ਸਿੰਘ ਨੂੰ ਸਨਮਾਨਿਤ ਕੀਤੇ ਜਾਣ ਦਾ ਦ੍ਰਿਸ਼।

ਟੂਰਨਾਮੈਂਟ ਦੀ ਕੁਮੈਂਨਟਰੀ ਕਰਦਾ ਹੋਇਆ ਉੱਭਰਦਾ ਕੁਮੈਂਨਟੇਟਰ ਹਰਮਨ ਸਿੰਘ ਜੋਗਾ
ਮਹਿਲ ਕਲਾ।

-Gurpreet Singh Ankhi

 Mehal Kalan (Barnala)

 Cell. +91 99145 65135

 gurpreetankhi@gmail.com

 http://www.facebook.com/gurpreetsinghankhi